Ресей әскері Киев облысы аумағына әскері мен техникасын жиып жатыр. Тұрғын үйлер мен маңызды инфрақұрылым нысандарын атқылауын доғармады. Украина билігі бейбіт тұрғындарды ең қауіпті аудандардан шығаруға күш салып жатыр.
Николаеводағы онкодиспансер атқылауға ұшырады
Украина билігі Ресей әскерін елдің оңтүстігіндегі Николаев қаласында онкология диспансерін атқылады деп айыптады.
Диспансердің бас дәрігері Максим Безносенконың айтуынша, атқылау кезінде ауруханада бірнеше жүз науқас болған. Ғимарат бүлінген, терезелер шағылған. Associated Press агенттігінің хабарлауынша, қайта ешкімге оқ тимеген.
Қазақстандық Qazaq Air әуе компаниясы сақтандыру компаниялары Ресейдің әуе кеңістігін сақтандырудан бас тартқаннан кейін Ресейге ұшуын тоқтатты. Qazaq Air ұшақтары Нұр-Сұлтаннан Омбы мен Новосибирскіге ұшқан.
Италияда ресейлік миллиардер Андей Мельниченконың суперяхтасы тұтқындалды
Бұл жөнінде BBC Орыс қызметі хабарлады. Құны шамамен жарты миллиард доллар тұратын 143 метрлік суперяхта әлемдегі ең ірі қайық болып есептелінеді.
Ресей Украинаға басып кіргеннен кейін өзге ресейлік миллиардерлер сияқты Андрей Мельниченко да ЕвроХим және СУЭК компанияларының иесі ретінде Батыс санкциясына ілінген.
Бұдан соң ол компанияны бірден басқа адамдардың меншігі ретінде жаздырып, директорлар кеңесінен шығуға асыққан. Бірақ соған қарамастан яхтасы тұтқындалған.
Қайықтың дизайнын француз дизайнері Филипп Старк ойлап тапқан, немістің Nobiskrug компаниясының мамандары құрастырған.
ПІКІРЛЕР