Алматыда бірнеше адам Ресей президенті Владимир Путиннің Қазақстанға келуіне қарсылық білдірді. Оларды Ресей консулдығы маңынан полиция ұстап әкетті. Астанада оппозициялық саясаткер Жасарал Қуанышәлин бастаған топ "Алға, Қазақстан" атты партия құруға рұқсат беруді талап етіп, әділет министрлігіне барды. Орталық сайлау комиссиясы Қасым-Жомарт Тоқаевты 20 қарашадағы президент сайлауына кандидат ретінде тіркеп, куәлік берді. Тоқаевтың өкілі ретінде комиссияға барғандарды мәжіліс спикері бастап жүрді.