Астанада түске дейін ТМД елдері басшыларының саммиті, түстен кейін "Орталық Азия - Ресей" саммиті өтті. Саммитте қазақ президенті орыс тілін дамыту жөніндегі ұйым құруды ұсынғанын өз аузымен мәлімдеді. Ресей президенті Владимир Путиннің Қазақстанға келуіне қарсылық білдірген адам 15 тәулікке қамалды. Оның сотына қатысқан жақтасының да ұсталғаны хабарланды. Алматыда Elmedia YouTube арнасының редакциясына белгісіз біреулер шабуыл жасаған. Ғимараттың терезесін сындырып, кіреберісіне қызыл бояу жағып кеткен.