Тұрақты жұмыс сұраған мұнайшылар мен "ҚазМұнайГаз" компаниясының келіссөзі әлі бітпеді. Компания талаптың кейбірін орындау мүмкін емес деп мәлімдеді. Астанада полиция ұстап, Жаңаөзенге қайтқан мұнайшылар "билік алдап-сулап шығарып салды, талабымыз орындалмайтын түрі бар" деп президентке үндеу жолдады. Алматыда 9 сәуір күнгі митингіге байланысты тағы бір белсенді ұсталды. Ал сайлауға қатысқан экс-кандидат 19 наурыз күні заңсыздық көп болғанын айтып, пикет өткізді.